შაბათის ,,ნოუთი”

საინტერესო შაბათები იშვიათად მაქვს. შაბათს, როგორც წესი, გვიან ვიღვიძებ (ეს იმიტომ, რომ საინტერესო პარასკევები მაქვს). მერე სიზარმაცის გამო ვწყვეტ, რომ სახლიდან ფეხის გადგმას აზრიც არ აქვს და მთელი დღე ტვ-შოუებს ვუყურებ. შაბათი ჩემთვის სახლის დღეა. თუმცა, ყველა  შაბათი_ არა. აი, მაგალითად,  წინა შაბათს გადავწყვიტე, თმა შემეჭრა. რაც სახლიდან გაუსვლელადაც ხერხდება, მაგრამ ცუდად.

ამბობენ, ამ გადაწყვეტილებას ადამიანები დეპრესიის ჟამს იღებენო. შეიძლება, ასეცაა, მაგრამ  მე დეპრესია დანამდვილებით არ მაქვს. უბრალოდ ხანდახან  მოწყენილი ვარ. თმის შეჭრა კი ახალი ტანსაცმლის ყიდვასავითაა, ოღონდ უფრო იაფი ჯდება.

შაბათის გეგმა ასეთი იყო:

• თმის შეჭრა
• მიოსთვის, ჩემი ბაჭიისთვის სალათის ფურცლების ყიდვა
• თბილისი მოლში წასვლა

ჰოდა, წავედი და შევიჭერი. შეჭრის შემდეგ კი დიდხანს ვუყურებდი ჩემს თავს სარკეში. მომეწონა. გავმხიარულდი და მივხვდი, რომ სახლში შეყუჟვა გაუმართლებელი საქციელი იქნებოდა. სამყაროს ჩემი ახალი თმა უნდა ენახა.

მერე მიოს სალათის ფურცლები ვუყიდე და მეგობარს დავურეკე.

შაბათის დილის ანგელოზები

ჰოდა ამასწინათ ვამთქნარებდი და ყავას ვწრუპავდი ჩვეულებისამებრ შაბათ დილით და ვფიქრობდი, 2 საათი როგორ გავიყვანო–მეთქი, მოგეხსენებათ, რომ ამ პრობლემამ ამ ბოლო დროს გლობალური ხასიათი მიიღო :D.

ცხადია, საბოლოოდ კომპიუტერთან აღმოვჩნდი, ხან ერთ საიტზე შევძვერი, ხან მეორეზე, ფეისბუქის კედელიც შევისწავლე და საბოლოო ჯამში თვითონაც ვერ შევამჩნიე როგორ მოვხვდი Youtube-ზე.

არ ვიცი, შეგიმჩნევიათ თუ არა, მაგრამ გადასარევი რამეა Youtube მოწყენილობის ჟამს 😀 ბავშვობა გავიხსენე და სასაცილო ვიდეოების ძებნა დავიწყე ridiculous კეი სიტყვებით როგორიცაა “funny videos” და ა.შ. რა თქმა უნდა, ვნახე უამრავი ვიდეო კატებზე (ტყუილად კი არ ეძახიან Youtube-ს კატების ვიდეო არქივს )) ). საბოლოოდ მაინც სასაცილო რეკლამების თვალიერებას შევუდექი.

სწორედ ამ დროს დავინახე ის,

მან მე დამინახა.

ეს ერთი ნახვით შეყვარება იყო. ♥

რა ვაკეთოთ

მე ჩამოგითვლით, რა უნდა ვაკეთოთ წვიმიან შაბათს

• შევიდეთ ექსების პროფილებზე და კიდევ ერთხელ გაგვიხარდეს, რომ მათ დავშორდით.
•  დააყენოთ ახალი გაფართოება ქრომისთვის, რომელიც დაგვეხმარება, განვსაზღვროთ გამოძახებების რაოდენობა, შევურჩიოთ იმიჯები და უფრო მოსახერხებელი გავხადოთ ბრაუზერი
• მერე შევცვალოთ სურათი desktop-ზე

შაბათი, სოციალური მედია

შაბათი დღე ძალიან მიყვარს და  არასდროს ვუძღვნი რაიმე აზრიან საქმიანობას. უბრალოდ დღის განმავლობაში სულ სახლში ვარ, პიჟამოთი ვბოდიალობ, ყავის ჭიქებით ჩემს ადგილებს ვნიშნავ და მეილებს ვპასუხობ.

მეორე ოთახში დედაჩემის და მამაჩემის მოსწავლეები მოდიან და მიდიან. სათვალავი მერევა ხოლმე, იმდენი არიან.  ყველას უნდა, რომ  ქიმია და მათემატიკა იცოდეს _ სხვანაირად ატესტატს ვერ მიიღებენ. მე კიდევ ფეხებზე მკიდია მათი სასკოლო და ერთიანი ეროვნული გამოცდები. მე მინდა, რომ იმ ოთახში გავიდე, დიდ ტელევიზორში ფლეშკა შევარჭო და რამე კარგ ფილმს ვუყურო ბატიბუტის თანხლებით. მაგრამ ვინ გაცლის კარგ ცხოვრებას. ამიტომ კომპთან ვზივარ და ვწერ, რა მინდა.

უსაქმურობისა და ბედნიერების შესახებ

დაზუსტებით არასდროს ვიცი, კვირის რა დღეა, მაგრამ დღეს ალბათ ორშაბათია. სამშაბათი არაა, რადგან სამშაბათობით, როგორც წესი, წყურვილის გრძნობა მაღვიძებს. არც ოთხშაბათი_ ოთხშაბათს დილას ეროტიკულ სიზმარს ვნახულობ, ხუთშაბათიც _ არა, რადგან  ხუთშაბათს დედაჩემი  მაფხიზლებს ხოლმე  შეძახილით: ,,მგონი, კომპიუტერი გაგიფუჭე“ ( უბრალოდ, სქრინ-სეივერი ერთვება ბეჭდვის დროს, თუ დიდხანს ეძებს კლავიატურაზე რომელიმე ,,კავკასიურ” ასოს), პარასკევს ჩემი მობილური იწყებს ფრედი მერკურის ხმაზე სიმღერას (ყოველკვირეული მაღვიძარა  _ friends will be friends ), შაბათ-კვირას კი არ მძინავს.