როგორ ავიღოთ პასპორტი

რატომ დამჭირდა პასპორტი

გადაწყდა. აგვისტოში ლიტვაში მივდივარ 1 კვირით. აი, ასე, ერთ არაფრით გამორჩეულ დღეს დამირეკეს და მითხრეს, რომ ლიტვაში მაგზავნიან, რადგან ვარ ქართველი, ვარ მწერალი, ვარ ქალი და მოვხვდი ბედნიერ ხუთეულში. თრიფის  მიზანია, რომ იქაური მწერლები გამაცნონ და ჩემი მოთხრობა თარგმნონ.

მითხრეს, რომ ფული საჭირო არაა, უბრალოდ უნდა გავუგზავნო 1 მოთხრობა, რამდენიმე სურათი, ბიოგრაფია და.. საპასპორტო მონაცემები.

_ უპს. პასპორტი არ მაქვს_ ვუთხარი და ოდნავ შემეშინდა, რომ ამის გამო ვინმეთი ჩამანაცვლებდნენ.

_ სასწრაფოდ უნდა აიღოთ_ იყო პასუხი.

უნდა ავიღო და ავიღებ :]

პასპორტის ასაღებად მზადება თმის მოწესრიგებით დავიწყე. [მინდა, რომ კარგი სურათი მქონდეს პასპორტში]ვინც არ იცით, გეტყვით, რომ ჩემი წელამდე თმა ამ ცოტა ხნის წინ მხრებამდე შევიმოკლე და თავს ახლა უფრო ბედნიერად (და მსუბუქადაც) ვგრძნობ.

მერე წარბები გავიკეთე, რაც ძალიან-ძალიან უსიამოვნო პროცედურაა და მსუბუქი მაკიაჟიც მინდოდა, სანამ გავიგებდი, რომ 25 ლარი ღირს.

მერე სელფ-შოთი გადავიღე, რაც იმდენად ნარცისიზმით არ იყო გამოწვეული, რამდენადაც იმით, რომ დედაჩემს ჩემს ფოტოაპარატთან ურთიერთობა არ მოსწონს.

ახლა გამოვიყურები ასე და ვაპირებ წავიდე სამოქალაქო რეესტრის უახლოეს სააგენტოში, რომელიც მდებარეობს ქ. წამებულის 65-ში, მე კი ქ. წამებულის 10-ში ვცხოვრობ. (  პროცედურის შესახებ ინფორმაცია ნახეთ აქ )_

თან მიმაქვს პირადობის მოწმობა და 100 ლარი. როგორც მითხრეს, დანარჩენი საბუთები ადგილზევე უნდა მოვიპოვო.
აფდეითები, რა თქმა უნდა, იქნება : ]

update: 104 ლარი უნდა წამეღო.

3 ლარი სურათის გადაღებისთვისაა საჭირო. 1ლარიც ბანკის მომსახურებისაა. სამოქალაქო რეესტრის სასახელოდ უნდა ითქვას, რომ ძალიან სასიამოვნო თანამშრომლები ჰყავთ. ეგრევე მომცეს მიმართულება და ღიმილიც არ დავიწყებიათ. თავდაპირველად  ფოტოსურათის გადამღებ აპარატთან მივედი, თვალი გავუსწორე და გა-ვი-ღი-მე. მერე 3 ლარი ჩავყარე და ძალიან მალე სურათი ავიღე. სურათითა და პირადობის მოწმობით ხელში სხვა ფანჯარასთან გადავინაცვლე, სადაც 101 ლარი გადამახდევინეს და ფურცელი მომცეს, რომელზეც ხელი მოვაწერე. ბოლოს კი მესამე პუნქტში გამაგზავნეს, სადაც ხალისიანი ბიჭი დამხვდა, რომელმაც რაღაც ხელსაწყოზე ელექტრონული ხელისმოწერა დამატოვებინა, ანაბეჭდები ამიღო და მომცა ფურცელი, რომლითაც 10 სამუშაო დღეში მომცემენ პასპორტს.

და ამან წაიღო სულ 10 წუთი

ჰოდა, ახლა აღფრთოვანებული ვარ და არ მჯერა, რომ ეს ამბავი მოვაგვარე. ველ დან, მთავრობა : ]

25 thoughts on “როგორ ავიღოთ პასპორტი

  1. კაი, რომ მიხვალ, აღმოაჩენ, რომ ეგ შენი ლამაზი თმა უნდა გადაიწიო და ყურები გამოაჩინო და ბიომეტრიული ფოტო უნდა გადაიღო, რომელშიც შეიძლება ყურებიც მოგეჭრას😀 ჰოდა, მერე ველოდები აფდეითს😀

  2. წინა პოსტი axe-ზე ვერ წავიკითხე პაროლი მომთხოვა😦 არადა მაინტერესებდა😦

  3. გილოცავ, კარგია გამიხარდა კიდევ ერთი ბლოგერის წარმატება:)

  4. გილოცავ ანინა, წარმატებები. მართლაც ნიჭიერი ახალგაზრდა ხარ და იმსახურებ წარმატებებს

  5. Mr. Nomad

    გილოცავ ანინა. წარმატებებს გისურვებ

    პ.ს. რეესტრში რომ მიხვალ აღმოაჩენ, რომ სურათში გაღიმებაც კი არ შეგიძლია🙂

  6. eva

    ანინ , გინდა გნახო? არც ისე შორს იქნები როცა ჩამოხვალ . 🙂

  7. წარმატებები. გიხდება ახალი ვარცხნილობა🙂 თმის შემოკლებაზე მეც ვფიქრობ, თუმცა, ჯერ არ გადამიწყვეტია. თან მომწონს გრძელი თმა, თან მოკლე თმით მონიჭბული სიმსუბუქის შეგრძნება მომენატრა :დ

  8. ნათია

    გილოცააავ, მაგარია🙂 რაც შეეხება პასპორტს, პირადად მე ფოტო მძლივს გადავიღე, საკმაოდ უხერხული პროცედურაა და სულ მეცინებოდა, რამდენიმე ცდის შემდეგ გამომივიდა მხოლოდ😀

  9. ყველაზე გემრიელი მომენტი 3 წლის წინ ჩემი სახლში ყოფნისას იყო მიღებული sms: “თქვენი პასპორტი მზადაა. შეგიძლიათ მობრძანდეთ ამა და ამ საათებში”.
    ისე ვიამაყე პროგრესით. 😀

    მაგრამ აშკარად გაუძვირებიათ, მე ნაკლები გადავიხადე, როგორც მახსოვს.

  10. Di@

    რასაც რეესტრები “სერვის +”-ზე მუშაობენ… კარგი ბიჭები და გოგოები არიან – არ გაგიღიმონ…🙂

  11. ანინა
    აქვე დავამატებ, რომ შენი პასპორტი უკვე გადავაგზევნეთ დასაბეჭდად და გელით 1-ში :)))
    მეგონა წამებულზე მიხვიდოდი..

  12. Gia Rcheulishvili

    გუშინ აღმოვაჩინე შენი სტატიები ტაბულაზე, შემდეგ ბლოგის გვერდი ფეისბუქზე და ბოლოს – ბლოგი. თითქმის ყველაფერი წავიკითხე და დილას დედაჩემს ვკითხე – დე, აარჩიე ხუთივე მწერალი ლიტვაში წასასვლელად? დედამ მიპასუხა, კიო და თითქოს გული დამწყდა, რომ შენი კანდიდატურა ვერ შევთავაზე. თურმე, სადა ხარ!?!?!?😀 ჩათვალე, რომ ორჯერ გაგიმართლა, რადგან შენთვის, რომ არ დაერეკათ გასულ დღეებში, დღეს ან ხვალ აუცილებლად დაგირეკავდნენ!🙂

  13. Pingback: 2012: პირველი პოსტი « ანინას ბლოგი

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s