პორნო და მელოდრამა

Sooo true

_ გავიდეთ და კინოში ვუყუროთ მელოდრამას თუ სახლში დავრჩეთ და კომპში ვუყუროთ პორნოს?_ მეკითხება ჩემი მმმ.. ჩემი კაცი.

_ წავიდეთ და კინოში ვუყუროთ პორნოს _ ვეუბნები და მეცინება.

ამერიკულ ფილმებში მინახავს ეგეთი კინოთეატრები, ღამე რომ ჩართულია მაიმუნობები და დარბაზში ასე 5 კაცი ზის მოწყენილი. რაკი საქართველოში ეგეთი არაფერი არსებობს, ვიბრალებ, რომ სიამოვნებით წავიდოდი. სინამდვილეში, არ წავიდოდი. მოვკვდებოდი იქ, ვერც ვისიამოვნებდი, ვერც გავერთობოდი და სადღაც აღგზნებასა და უხერხულობას შორის გაჭედილი ჩავიკუჭებოდი სკამში. მაგრამ მან ხომ ეს არ იცის. მას, ისევე, როგორც თქვენ, ჰგონია, რომ ყველაფერი იდეალურადაა, რაკი ჩემს ბლოგზე თეგებში პორნო  მოზრდილად წერია..

სინამდვილეში პორნოსთან მეტი პრეტენზია მაქვს, ვიდრე ჩანს. დაწყებული იქიდან, რომ სასტიკად სექსისტურია (ლესბი-პორნოს ჩათვლით, რომელიც მხოლოდ მამაკაცებს მოსწონთ), დამთავრებული იმით, რომ საშინელ სტერეოტიპებს ამკვიდრებს _  იმდენად ბევრი პრეტენზია მაქვს, რომ ხანდახან ვჩუმდები, რომ ვინმეს დისნეიზე გაზრდილი არ ვეგონო.

ნუ, სულ რამდენიმე პუნქტს ჩამოვთვლი. თენდება უკვე.

კაცს, რომელიც სულ პორნოს უყურებს, გაუკვირდება, რატომ არ კვნესი თითის ერთ შეხებაზე.

კაცს, რომელიც სულ პორნოს უყურებს, გაუკვირდება, რატომ შეიძლება რამე გეტკინოს

და

კაცს, რომელიც სულ პორნოს უყურებს, გაუკვირდება, რატომ ხარ ასეთი ნამდვილი.

მას ხომ უკვე წარმოდგენილი აქვს, რა ხმაზე უნდა იკვნესო და როგორ უნდა გაინაბო.

გარდა ამისა, პორნოსგან კაცები რაღაც სულელურ კომპლექსებსაც იკიდებენ ხოლმე, რომელთა ჩამოთვლაც აქ მაინცდამაინც არ მეხალისება. თქვენ თვითონაც მიხვდებით.

მაგრამ ამის გამო ნუ იფიქრებთ, რომ პარტნიორთან ერთად პორნოს ყურება ცუდი იდეაა. პირიქით, პირიქით: ახალი შეგრძნებებია, მინი-თავგადასავალია და წყვილს ძალიან აახლოებს. მთელი ეფექტის განსაცდელად, უბრალოდ, ანალიზის უნარი უნდა გამორთო და სასიამოვნო რამეებზე იფიქრო.

მაგრამ მე.. მე რჩევების მიცემა უკეთ გამომდის,  ვიდრე მათი გათვალისწინება. ამიტომაც ნაცვლად იმისა, რომ  ახალი წამოწყებით აღვტაცებულიყავი, ჩემს კაცს, რაც აქ დავწერე, ის ვუამბე: ცოტა ვრცლად და ცოტა გულწრფელად. ყურადღებით მომისმინა და  გადაწყვიტა, რომ  დღეს ანალიზის უნარის გამორთვას ვერ შევძლებდი.

ჰოდა, მელოდრამას ვუყურეთ. კომპში :დ

მე ვიძინებ.