ჯამფ! ფოტოები

ამას წინათ ბლოგერები გავიცანი. სიმართლე გითხრათ, ძალიანაც მეზარებოდა, მაგრამ ლანდიშამ ისე სწრაფად მომიჭრა, 7-ის ნახევარზე  კუს ტბის ასასვლელთან იყავიო, რომ მიზეზების მოფიქრება ვერ მოვასწარი და დავეთანხმე.

გზაში ტაქსისტს შევუყვარდი და ფული არ გამოურთმევია, რაც შეეხება ლანდიშას, სრული 25 წუთით დააგვიანდა და ბოლოს  თეთრი პერანგით მოვიდა ( თეთრ საროჩკაში ამხედრებული პრინცი). მანამდე კი ლეონსიოს და ალუკარდის გაცნობა მოვასწარი. რაღაც მათრობელა სიგარეტს ეწეოდნენ და მომავალ ექსკურსიაზე სუბრობდნენ.

მერე კი ორივემ ფოტოაპარატი გააძრო. მდაჰ. შემეშინდა. არ მიყვარს, როცა მიღებენ, მე რომ ვიღებ, ის მიყვარს. სამწუხაროდ, ისინიც ასე ფიქრობდნენ.  მეც თან მქონდა აპარატი, მაგრამ არ გამომიჩენია.

თმა დაწნული მქონდა, მაგრამ სიცხემ რომ გადაიარა, გავიშალე და ლეონსიოც შთაგონდა.

მერე ავხტი. თავი ცოტა ხნით სალვადორ დალი მეგონა, ერთი ეგაა, კატები არავის უსროლია.

მეერე ავხტით! ოღონდ ყველა ვერა.

დგანან: ძაღლი, კატა, kate alukard.

ხტუნავენ: ლანდიშა, კასმანავტკა და ზურა ბალანჩივაძე

leonsioს  ი-იმხელა ფოტოაპარატი ჰქონდა, რომ მეგონა, მიზანში ვყავდი ბოროტმოქმედს ამოღებული, მით უმეტეს, რომ ალუკარდი ტყვიამფრქვევივით იცინოდა : ) საბედნიეროდ, ამ  საომარ ვითარებას უვნებლად დავუძვერი.

მერე მე და ზურა სადღაც ავძვერით:

ახლო ხედი: (ძვ.

ქართულად_ კრუპნიპლანი)

მერე დავიშალეთ. ლანდიშა, რომელიც წუწუნებდა, სახლში მაგვიანდებაო, დაშლის შემდეგ ძმაკაცს გადაეყარა და იმ ძმაკაცმა ასე უთხრა, ქართულ ბლოგებს არ ვკითხულობ, მხოლოდ ანინას ბლოგსო :ამაყ:
ლანდიშამ ეგრევე მესიჯი აფრინა ჩემთან. მოკლედ, დღის ბოლოსაც მშვენიერ ხასიათზე ვიყავი.

ველოდები შემდეგ ჯამფს : )