მუჰამედისა და მთის სევდიანი ისტორია

ფრაზა მუჰამედისა და მთის შესახებ ყველას თუ არა, ბევრს მოგვისმენია. აქამდე მეგონა, რომ ეს ფრაზა ასე ჟღერდა: ,,თუ მუჰამედი არ მივა მთასთან, მთა მივა მუჰამედთან”

პირიქით ყოფილა 😮

მოკლედ, ყველაფერი იწყება ამ ლეგენდიდან. როცა მუჰამედს სთხოვეს თავისი მოძღვრება რაიმეთი გაემყარებინა, მუჰამედმა მთა საფას სთხოვა, დაძრულიყო და მისულიყო მასთან. ეს რომ არ მოხდა, ხალხმა აღარ ირწმუნა მუჰამედის სიტყვა.  მაშინ მუჰამედმა თქვა: მადლობა გადაუხადეთ ალაჰს, მან არ მისცა მთას მოსვლის ნება, თორემ თქვენი მოდგმა გაითელებოდაო. შემდეგ მუჰამედი თავად  მივიდა მთასთან და ლოცვა აღუვლინა ალაჰს.

ფრაზა იმ სახით, როგორითაც ჩვენ ვიცით, ფრენსის ბეკონმა, ფილოსოფოსმა ფრენსის ბეკონმა შეატრიალა (როგორი გემრიელი გვარი აქვს ამ კაცს : )).

ხოდა, აი, ისტორიაც მუჰამედზე და მთაზე:

კარზე ყოველ დილით არის ზარი. მუჰამედი ყოველ დილით მიდის კართან.
კარს გააღებს და მთა დგას.
ისევ მოხვედი ხო, ისევ მოხვედი_ დაღლილი და თავმობეზრებულია მუჰამედი.
მთა კი შეწუხებულია. არ შეუძლია, სხვაგვარად მოიქცეს:
აბა შენ არ მოდიხარ და…
ხმაში ხრინწი
მოქმედების დასასრული.